虽然经济环境改变，但印花税仍然实施超过10年，仅有几次微调，议员江玉欢（Doreen）形容香港嘅物业印花税，即系从价印花税、买家印花税同特别印花税系「过时三宝」，明言非常支持撤辣添！佢仲话政府勒紧要快，放松都要快，唔可以犹豫太耐，否则只会错过最佳时机，对市民及经济嘅破坏力更大咁话。

Doreen认为物业印花税令香港成为全球物业买卖印花税计算数一数二最繁复嘅地方，印花税成为税务条例中「最深奥的部分」，同香港自由经济形象格格不入。印花税唔单止造成影响，Doreen都话有3个原因令佢支持撤辣。

时移世易 毋须再遏炒风

首先系印花税实施嘅背景已经改变，Doreen话印花税三宝嘅原意系遏止炒风，但以现时存款利率远高於租金回报嘅情况，佢反问点会有投资者买楼收租同炒卖咁话。其次系因为最近经济前景不明朗同大量外来人才到港，导致住宅租金回升，优质租盘难求，佢估计喺加息嘅影响下，租金只会不断攀升，而放宽印花税可以鼓励部分有能力嘅租楼人士买楼。

佢又话过去投资者为咗「避辣」，就用子女、其他亲友同朋友名字买楼，甚至出现对簿公堂嘅情况，所以认为正常同唔系太辣嘅印花税可令持有物业嘅形式走回正轨，避免出现用其他「人头」买楼延伸嘅法律纷争，导致家庭悲剧。

租金贵到离谱 难吸人才

香港现时出现「楼价跌、租金升」嘅现象，Doreen话依家仍然缺买家入市，唔单止咁，租金升都会令来港工作嘅人士受害，佢举例话西九龙同南昌一带1,300尺左右嘅物业要6万至8万元月租，质问点样吸引中产及专业阶层留港开枝散叶、组织家庭，又点样可以吸引专才来香港工作？

香港经济喺疫情之后仍然未见明显恢复，Doreen认为依家嘅经济环境已经同10年前有好大出入，恢复经济自然要打「组合拳」，话要令香港物业市场吸引同有生气，唔使落后其他经济体，繁复同过时嘅印花税三宝都系时候功成身退，直言过去措施都系「搔不着痒处」，政府要「多一些勇气与果断」咁话。