按揭現金回贈 1.23%, 保證全城最高!

萬幫獨家優惠
計劃一
P - 2.75% (實際利率 2.5%)
按揭現金回贈 0.6%+$200
適用於新居屋
計劃二
H + 1.4% (封頂2.5%)
按揭現金回贈高逹1.23%
適用於一手及二手私樓
計劃三
H + 1.4% (封頂2.5%)
按揭現金回贈高達0.9%
H + 1.5% (封頂2.675%)
按揭現金回贈高達1%
適用於轉按套現

WhatsApp 查詢回贈

鄭先生
6332 2553
張小姐
9586 8999

新居屋回贈,保證全城最高!

最新優惠
新居屋準業主優先Whatsapp登記可加碼額外$200超市禮券
即時查詢 9586 8999 (張小姐) / 6332 2553 (鄭先生)
或直接Click以下Whatsapp登記:
新居屋
6332 2553
新居屋
9586 8999
新居屋按揭,利息P-2.5(實際利率 2.5%) 全城最低,現金回贈0.6%,新居屋準業主優先Whatsapp登記可加碼額外$200超市禮券,直到4家專門承造居屋銀行,不經第三方,歡迎比較實際回贈金額,自2000年開始,經我們轉介處理已超過26000宗。
新聞資訊 > 按揭新聞 返回
瀏覽人次:2657
按揭新聞
疫情影響搵食難 居屋減價買唔起
2020年9月2日 (東方)
公屋申請輪候時間迭創新高,由目標嘅三年一路增加至五點五年,輪候公屋等上樓都真係望到眼出血、頸都長!面對劏房衞生、加租、迫遷等困擾,且劏房戶愈住愈貴問題,林鄭口就話房屋問題係歷屆政府嘅重中之重,可惜吖!覓地起樓無能,「明日大嶼」海市蜃樓;廢官又一直沿用以置業為主導嘅房屋政策,之不過,個個想買樓,就算低於市價嘅居屋,你估又係人人買得起咩?而且大家爭崩頭,向隅者眾也!

嗱!新一期居屋即將推出四個屋苑,包括鑽石山啟翔苑、粉嶺皇后山山麗苑、馬鞍山錦駿苑及火炭彩禾苑,提供逾七千個單位。新居屋折扣率,據悉暫定沿用市值六三折,之不過,考慮到家庭入息或有下行壓力,將採取一次性安排,待取得今年四至六月非業主住戶每月入息中位數後,再確定今期居屋折扣率和售價。有房委會委員預計,每月入息中位數跌幅約百分之五或以上,折扣率有望調整至五八折。講真,即使調到六折,坐落市區嘅鑽石山啟翔苑,平均呎價都接近九千蚊,最貴單位即「樓王」若六三折都要五百一十三萬元,六折都成五百萬元喎!置業安居,邊個唔想?不過,要「房事暢通,生活輕鬆」,今時今日,你估話咁易咩?

阿哥!去年六月黑暴持續至今,社會依然動盪,加上今年以來嘅第三波疫情打擊,庸碌無能嘅廢官防疫失誤、張弛無道,失業率高見百分之六點一,失業人數逾廿四萬,為十五年來新高!唔好忘記,基層嘅衝擊特別大,部分行業愁對危城,如飲食、旅遊、零售、酒吧、健身之類,好多不是面臨失業就係減薪、放無薪假,實際民生經濟比沙士時期還要差!新一期居屋折扣下調空間咁鬼小,真係調到六折又如何?基層市民面對不確定嘅未來經濟環境,又驚隨時冇得撈,想頂硬上都覺得自己好似太監咁,冇嘢你頂吖老友!考慮未來供款能力,居屋縱使減到五折,恐怕都要打退堂鼓啦!

各位街坊,根據研究調查,香港私樓貴絕全球,有報告顯示,香港連續九年蟬聯全球樓價最難負擔城市,市民要不吃不喝近二十一年先買得起一個普通住宅單位!喺咁嘅時勢下,基層想「安居」,咁多唔明朗因素,試問又點敢去「置業」呢?嗱!安得廣廈千萬間,本報之前屢獻良策,為政府搵出唔少棕地可建公屋,可惜廢官教而不善,好高騖遠,誇誇其談如何「堅定前行,為市民安居樂業燃點希望」!燃點即係最終化灰啦!時光易逝,青春難延,少年子弟等公屋上樓,江湖老了,頭髮白了,依然係無殼蝸牛!