按揭利息H+1.3%,現金回贈高達 2.2%,保證全城最高!
宅谷獨家優惠
計劃一
低至H+1.3%
按揭現金回贈 1.93%
適用於新居屋
計劃二
低至H+1.3%
按揭現金回贈高達 2.2%
適用於一手及二手私樓
計劃三
低至H+1.3%
按揭現金回贈高達 2.2%
適用於轉按套現
銀行特別按揭計劃
劏房、無稅單的自僱人士、
債務整合、資產審批(適合收入不足人士)、唐樓、村屋等等

WhatsApp 查詢回贈

劉小姐
6332 2553
最新優惠
新居屋按揭,準業主預先Whatsapp登記可加碼額外$300現金回贈
即時查詢 6332 2553 (劉小姐)
或直接Click以下Whatsapp登記:
新居屋
6332 2553
新居屋及綠置居按揭,利息低至H+1.3%,現金回贈1.93%,新居屋按揭,準業主預先Whatsapp登記可加碼額外$300現金回贈,直到4家專門承造居屋銀行,不經第三方,歡迎比較實際回贈金額,自2000年開始,經我們轉介處理已超過45000宗。
新聞資訊 > 按揭新聞 返回
瀏覽人次:1742
按揭新聞
微調辣招冇作用 樓市下跌救無從
2023年2月28日 (東方)
俗話講得好,「冇期望就冇失望」,正好應驗喺今次嘅財政預算案之上。作為後疫情時代嘅第一份預算案,坊間普遍希望港府可以推出利民紓困措施,但又鑑於過往嘅預算案乏善可陳,市民處於一種「既期望又唔敢抱住太大希望」嘅矛盾心情之中。卒之,預算案剛公布,港人長舒一口氣,果然港府「不負眾望」,新一份預算案了無新意,最大變動就係派糖「減甜」,不愧於坊間諷刺嘅「特衰政府」之名。

今次嘅預算案,可以話係市民「想邊樣、冇邊樣」,又或者「想邊樣、減邊樣」!想港府繼續派消費券;派,但減一半!想港府繼續寬免稅項;寬免,但減四成!想港府拯救樓市,喺逆周期時逐步放棄辣招;財金官員只係肯調整從價印花稅稅階,但拒絕「撤辣」。一方面要繼續承受辣招,另一方面派糖減甜,港人梗係唔滿意啦!

呢嗱!有財金官員尋日急急腳解釋,話有研究過撤辣,但認為唔適合,因為去年樓價雖然大跌,但樓價仍屬高企,現時供求依然緊張,為咗畀未有樓嘅港人有優先機會,因此唔考慮撤辣!官員又話,留意到去年九成成交嘅都係首置,而且大多係中小型成交盤,所以先調整從價印花稅稅階,希望幫大家慳番些少「買件傢俬都好」喎。嘩!官員呢個說法,唔通仲想聽到市民講句「多謝」?查實市民只想講句「多餘」!

無可否認,調整從價印花稅稅階對於首次置業嘅市民嚟講,係有少許幫助嘅!所謂「慳得一蚊得一蚊」,慳幾萬蚊喎,聽落係幾爽!問題係,家陣樓價跌勢未止,外圍仲要不斷加息,就算係首次置業,就算有能力,都未必敢依家買樓,容乜易變埋負資產㗎!而之所以跌勢未止,除咗受外圍市況影響,最大問題在於受辣招影響,樓市並唔活躍,皆因大家都相信辣招只係暫時性,無論係買家定賣家現時都持觀望態度。

打個比喻,港府為咗調控樓市而推行辣招,就好似為咗減重而節食,呢個方法係就係可以減到重,但並唔健康!只要停止節食,體重自然會反彈,但如果唔停止節食,身體隨時出現毛病。港府現時正正係處於呢個兩難局面,假如撤銷「辣招」,樓價好大機會反彈,但唔撤銷「辣招」,非但無助港人上樓,更會製造更多負資產業主!

諗深一層,減重係咪一定要節食呢?其實唔係!正確嘅方法係做多啲運動,同時改善飲食!如果套番落樓市嚟講,想健康地壓抑樓價,正確方法應該係增加供應量,即係覓地起樓,同時亦要增加公營房屋供應量,咁樣樓價先可以健康而平穩,達致雙贏局面!